Friday,October 20, 2017
  • :
  • :

व्यापार

शिवको मूर्ति बनाउनका धातु सङ्कलन


रासस
चितवन, २४ पुस । चितवनको धार्मिक पर्यटकीयस्थल देवघाटधाममा धातुबाट ३० फिट अग्लो शिवको मूर्ति बनाउनका लागि रत्ननगरमा भएको महायज्ञमा १३ क्वीन्टल भन्दा बढी विभिन्न प्रकारका धातु सङ्कलन भएको छ ।

यही पुसको दोस्रो साता रत्ननगरमा भएको धातु सङ्कलन महायज्ञमा १३ क्वीन्टल धातु र नगद जिन्सी गरेर रु २५ लाख भन्दा बढी आर्थिक सङ्कलन भएको महायज्ञ मूलआयोजक समितिका संयोजक गीतानाथ अधिकारीले जानकारी दिनुभयो ।

अष्टधातुबाट निर्माण गर्न लागिएको शिवको प्रतिमाका लागि यसअघि दाङमा भएको पहिलो महायज्ञबाट दुई सय ५० किलो विभिन्न प्रकारका धातु सङ्कलन भएको थियो । करिब पँच टन धातु चाहिने भएकाले अहिले महायज्ञ लगाएर धातु सङ्कलनको अभियान सुरु भएको संयोजक अधिकारीले बताउनुभयो ।

उहाका अनुसार धातु सङ्कलनका लागि देवघाट संरक्षण प्रतिष्ठानले देशका विभिन्न पाच स्थानमा महायज्ञ गर्ने जनाएको छ । दाङपछि अहिले चितवनको रत्ननगरमा र आगामी दिनमा काठमाडौँमा महायज्ञ गरेर धातु सङ्कलन गरिने प्रतिष्ठानका सचिव मदन मिश्रको भनाइ छ ।

भगवान शिवको प्रतिमा निर्माणका लागि तामा, पित्तल, ढलोट, काँच, चरेश, चाँदी, सुनलगायत धातु सङ्कलनमा प्रतिष्ठान लागेको छ । यहाँ गएको साउनमा उक्त प्रतिमा निर्माणका लागि प्रधानसेनापति राजेन्द्र क्षत्रीबाट शिलान्यास समेत भएको थियो । मूर्ति निर्माणका सबै कामसक्न रु एक करोड लाग्ने अनुमान गरिएको छ ।

आफ्नो मत व्यक्त गर्नुहोस्

अन्य समाचार...