Sunday,February 25, 2018
  • :
  • :

समाज/गाउँघर

जलेश्वर नगरपालिकाको बजेट तेइस करोड


रासस
गौशाला, २३ पुस । महोत्तरीको जलेश्वर नगरपालिकाले आर्थिक वर्ष २०७४/७५ का लागि रु २३ करोड ४३ लाख २१ हजार बजेट प्रस्तुत गर्दै शुक्रबार आप्नो २१औ नगरपरिषद् सम्पन्न गरेको छ ।

जलेश्वर नगरपालिकाकै परिसरमा भएको सो परिषद्मा जलेश्वर नगरपालिकाका कार्यकारी अधिकृत भानुभक्त बरालले आव २०७४/७५ का लागि चालु खर्चतर्फ रु आठ करोड नौ लाख २५ हजार र पुँजीगत खर्चतर्फ रु १५ करोड ३३ लाख ९६ हजारसहितको नीति तथा कार्यक्रम सार्वजनिक गर्नुभयो ।

नगरपरिषद्ले आव २०७४/७५ का लागि जलेश्वर नगरक्षेत्रमा पर्यटन प्रवद्र्धन, प्रवेशद्वार, सडक निर्माण, शौचालय, ढल, वृक्षरोपण र जलेश्वर महोत्सव गराउनेलगायत प्रस्ताव पारित गरेको छ ।

नगरपरिषद्को २० औ परिषद्बाट पारित रु आठ करोड १४ लाख ८३ हजार बजेटमध्ये चालुतर्फ रु चार करोड १६ लाख ७८ हजार खर्च भएको तथा प्ुजीगततर्फ रु तीन करोड ४२ लाख ९५ हजार खर्च गरिएको जानकारी गराइएको थियो ।

आफ्नो मत व्यक्त गर्नुहोस्

अन्य समाचार...